Feargga bileahttat ja hattit

Riikkaidgaskasaš vuojánin main eai leat dáža galbbat gustojit čuovvovaččat:

• FerryPay
• Báŋko- dahje kredihttakoarta (dušše oktavuođa hága)
• AutoPASS (dušše ovddalgihtii šiehtaduvvon) 

Fuomáš, jus it geavat ovttage dáin čuoggáin dás bajábeale de it beasa mátkkoštit fearggain.

Ferry Pay

Jus dus ii leat AutoPASS ovddalgihtii šiehtadus sáhtát geavahit Ferry Pay. Ferry Pay ávžžuhat jus leat mátkkošteaddji luomus Norggas. Ferry Pay lea automáhtalaš koartamáksin feargamátkkiid ovddas. Dus lea vejolaš máksit olleshatti fearggain hui álkidit ja fakturá haga.

Iskka Ferry Pay dás. 

Báŋko- dahje kredihttakoarta 

Lea dušše vejolaš máksit oktavuođa hága báŋkkuin dahje kredihttakoarttain. Geavahat go báŋko- dahje kredihttakoartta máksimii mávssát olles hatti feargamátkki ovddas. Jus dus ii leat oktavuođa hága koarta fertet máksit Ferry Pay:n.

AutoPASS

AutoPASS lea automáhtalaš máksinvuogádat bom-stašuvnnaide ja fearggaide Norggas. Riikkaidgaskasaš vuojánat sáhttet geavahit dan jus sis lea ovddalgihtii šiehtadus AutoPASS:n.

Loga eanet AutoPASS birra dás.

Jus it geavat ovttage dáin čuoggáin dás bajábeale de it beasa mátkkoštit fearggain.

• AutoPASS lea nationála automáhtalaš máksinsystema bummastašuvnnaide ja fearggaide.
• Fearggas gohčoduvvo AutoPASS fergii.
• AutoPASS-čoavddus lea ásahuvvon buot fearggaide main leat badjel čuohteduhát mátkkošteaddji jahkásaččat ja doppe gos eai leat garvinvejolašvuođat. Dát gusto suoidnemánu 1.b. 2022 rájes.

Geavadettiin feargga mávssát dušše vuojána ja vuoddji ovddas, lea nuvttá mielčuovvuide ja sidjiide geat mátkkoštit biilla haga. Lea goit guokte spiehkastaga Romssas:

• Fearga linjjá 182 oassemátki Vieksásullos Musváritii, Risøy:i ja Mjølvik:i.
  Mátkkošteaddjit fertejit máksit bileahtta danne go fanaslinjjá vuojánkeahtes-/feargakáija lea definerejuvvon báikkálašfanasgulahallandoaibman.

Čuovvovaš fearggat geavahit feargga AutoPASS:

• Linnjá 170 Reavččak-Flesnes
• Linnjá 175 Sørollnes-Stangnes
• Linnjá 177 Stornes- Bjørnerå
• Linnjá 180 Botnhamn-Brensholmen
• Linnjá 190 Ivgomuotki- Dálusvággi
• Linnjá 191 Bávttit-Guohcavuopmi

Riikkaidgaskasaš vuojánin leat eará njuolggadusat. Geahča bovssa “Riikkaidgaskasaš vuojánat”.

Stuorradiggi lea mearridan ahte unnit feargajohtolagat geainnohis servvodagaide galget leat nuvttá. Romssa fylkkas leat čuovvovaš johtolagat nuvttá suoidnemánu 1.b. 2022 rájes:

• Linnjá 182 Bellvik – Vieksásuolu (Spiehkastagat leat Gaskal Vieksásuolus Musvárihii, Risøy:s Sáddágii fertejit mátkkošteaddjit máksit bileahtta go fanaslinnjás lea vuojániid ja feargakáija hága lea definerejuvvon báikkálašfanasjohtolat)
• Linnjá 185 Hansnes – Gálsá – Várdná
• Linnjá 186 Hansnes – Reinøy
• Linnjá 188 Mikkelvik – Bromnes
• Linnjá 195 Storstein – Lauksundskaret – Nikkeby
• Linnjá 198 Guohcanuorri – Gárgu – Ulimohkki

Eará johtolagat Romssas eai deavdde eavttuid maid johtalusdepartemeanta lea bidjan. Guoskevaš eavttut nuvttá johtolahkii lea ahte leat unnit go čuohteduhát mátkkošteaddji jahkásaččat ja eai leat garvinvejolašvuođat.

AutoPASS fearggain lea čatnon Norgga vuojánregistarii. Norgga fearggat geavahit golbma vuogi identifiseret vuojániid:

• Govvet vuojániid dovdomearkka (geavahuvvo Romssas ja Finnmárkkus)
• Registreret biilla AutoPASS-gilkora (Ii geavahuvvo Romssas ja Finnmárkkus)
• Registreret AutoPASS feargakoartta (Ii geavahuvvo Romssas ja Finnmárkkus)

Hálbbiideammeortnegat leat dat seamma, beroškeahttá guđe registrerenvugiid mat geavahuvvojit fearggas.

• Feargaveahka govve vuojána nummargalbba fearggas.
• AutoPASS identifisere automáhtalaččat jus vuojánis lea dohkálaš hálbbiideammišiehtadus.
• Lea vuoddji ovddasvástádus bearráigeahččat ahte nummargalba oidno go vuodjá fergii. Vuoddji galgá gozihit ahte nummargalba lea vejolašvuohta lohkat ja das ii lea geaidnoduolva, luhča, muohta dahje jieŋa gitta. Dát álkidahttá veaga barggu.
• Lea go dus gálvojorri dahje guorbmi, de feargga veaga veahkeha mihtidit olles guhkkodaga, vai máksin šaddá riekta.
• Jus ovdašiehtadus lea dahkun vuodjinfievrruide mat leat gitta 8 mehtera ja jus guoskevaš guhkodat guorpmis lea guhkit, de ii fitne ovdašiehtadushálbbideami dán mátkkis.
• Jus vuodjinfievru lea registrerejuvvon AutoPASS-gilkorin, de dábálaš 10% hálbbideapmi addo.

Luoddadirektoráhtta ráhkada AutoPASS-njuolggadusaid – nationála haddelistu fearggain dáid vuođul:

• Feargagaska guhkodat (galle sona)
• Vuodjinfievrru oppalaš guhkodat, oktan gálvojorrin ja guorbmin.

AutoPASS-njuolggadusaid muitala hatti hálbbádusa haga (olles haddi).
Hattit mearriduvvojit nationálalaččat.

Hálbbádus- ja máksinortnet fearggaid

Fertet dahkat šiehtadusa AutoPASS:n vai oaččut AutoPASS-gilkora. Dalle registreret iežat dás:

AutoPASS

Dáhkadettiin ođđa AutoPASS šiehtadusa, sihttet du válljet bummaruhtafitnodaga guhte čáliha du AutoPASS-gilkora. Lea beroškeahttá guđe fitnodaga válljet, fitnet dan seamma hálbbidusa ihkinassii.

Jus dus lea dohkálaš AutoPASS-gilkor ovdalis, sáhtát geavahit dan ja automáhtalaččat fitnet 10 proseantta vuoládusa fearggain. It dárbbaš dahkat maidege fitnet dán vuoládusa.

Jus háliidat eanet vuoládusa, fertet dahkat ovdašiehtadusa. Dagat dan dás:

AutoPASS fergii

Šiehtadusa dahje gilkora ii leat vejolaš sirdit earáide.

• Ii leat AutoPASS-gilkor mii registrere fearggas Romssas ja Finnmárkkus, muhto mii govvet vuodjinvuojániid registrerennummára.
• Buohkain gean lea šiehtadus čatnon AutoPASS-gilkorii geatnegahttojit lihkká bidjat ja geavahit gilkora nu go gilkorčáliheaddji lea čilgen.
• Gilkor lea duođaštus ahte šiehtadus lea dahkun ja muddejuvvo šiehtadusnjuolggadusain gaskal kundara ja čáliheaddji.
• Dus ii leat vejolašvuohta geavahit gilkora eará vuojánin dahje mohtorfievrruin go dasa mii lea čálihuvvon šiehtadussii.
• Seamma AutoPASS-gilkor sáhttá geavahit bummastašuvnnain, tunneallain ja eará Norgga feargaoktavuođain.

• Dus lea ovddasvástádus vurkkodit ja gilkora geavaheapmái.
• Jus massát gilkora de dus lea alcces ovddasvástádus dieđihit gilkora čáliheaddjái.
• Ii leat Romssa ja Finnmárkku fylkkagielda, dahje Romsa Fylkkajohtolat/Snelandia guhte čáliha gilkora.

Eanet dieđut dás:

AutoPASS

Ásahit ovdašiehtadus fearggain – addá 50 proseantta hálbbideami

Ovdašiehtadus fearggain addá buoremus hálbbideami. Jus galgat fitnet ovdašiehtadusa fearggain, fertet vuosttamuččat háhkat AutoPASS-gilkora (geahča ovddit čuoggá). Maŋŋel sáhtát čálihit ovdašiehtadusa fearggain dás:

AutoPASS fearggain.  

Ovdašiehtadusain mávssát don ovtta submi juohke vuodjinfievrru nammii:

• 3000 ruvnno vuodjinfievrruide 0-8 mehtera
• 14 800 ruvnno vuodjinfievrruide 8,01 – 17,5 mehtera
• 28 000 ruvnno vuodjinfievrruide eanet go 17,51 mehtera

Ovdašiehtadusain gesso feargabileahta automáhtalaččat ovdasupmis. Hálbbideapmi addo easka go gilkora leat háhkan ja ovdasupmi lea registrerejuvvon mákson.

Mu siiddus sáhtát čuovvot mielde čađahuvvon mátkkiid, reastasáldo ja fakturá, ja maiddái diŋgot mátkeguittiid.

Mii geavvá go ovdamáksu lea geavahuvvon?

• Go sáldo lea sullii 25 proseanta ovdaruhtasupmis, de boahtá automáhtalaččat máksindiehtu várrehus/fakturá ođđa ovdamáksimii.
• Jus háliidat máksit ođđa ovdamávssu ovdal go vuostáválddát ođđa fakturá, sáhtát geavahit ovddeš fakturá KID-nummára.
• Lea vejolašvuohta álggahit e-fakturá neahttabáŋkkus.
• Go leat geavahan ovdaruhtasupmi, muhto dus lea AutoPASS-gilkor, addo lihkká 10 proseantta vuoládus olles hatti ektui.

Galle vuodjinfievrru ovdašiehtadusas

• Priváhtaolbmot sáhttet guokte vuodjinfievrru čatnat ovdašiehtadussii priváhta. Ovdašiehtadus addá 50 proseantta vuoládusa dábálaš hattis.
• Fitnodagat sáhttet bidjat geažehis olu vuodjinvuojániid ovdašiehtadussii fitnodat. Fitnodatšiehtadus addá 40 proseantta vuoládusa dábálaš hattis.

Riekta dieđut ovdašiehtadusas

• Buot kundariin lea ovddasvástádus ahte dieđut mat leat čállon ovdašiehtadussii leat riekta.
• Buot kundariin lea ovddasvástádus dieđihit jus ležžet rievdadusat čatnon vuojánfievrodáhtai. Ovdamearkka dihte jus lonuhat biila mii lea čatnon šiehtadussii, dahje rievdadusat biillas/gálvojorri.

Feargabileahtta máksin váidaleapmi

Feargabileahtta reklamašuvdna ferte ovdanbuktit 30 beaivvi dan áigodaga rájes go bohtet diehtit gesson supmi birra. Reklamašuvdna ovdanbuvttát Skyttel AS:ii – guhte hálddašit AutoPASS máksinortnegiid.

FUOMÁŠ! Reklamašuvdna it galgga sáddet Romssa fylkkajohtolahkii.

Mo suodjalit olmmošsuodjaleami?

Ulbmil du birra dieđuid registreremis lea čađahit šiehtadusa olleshattis birra dahje hálbbiduvvon mátkkiid fearggain mat leat mielde nationála AutoPASS feargga čovdosis.

Dieđut du ja du rasttildandáhtaid geavahuvvojit dušše hálddašit feargga AutoPASS:d. Rasttildandáhta geavahuvvo maiddái anonymiserejuvvon johtolatstatistihkkii.

Govvedeapmi geavahuvvo dokumenteret vuodjinfievrruid klássa dahje vuodjinfievrru guhkkodaga hálbbidanšiehtadusa ektui, dahje lobiheami rasttildemiid ektui. Dieđut juohke rasttildeami birra sihkastuvvojit nu johtilit go vejolaš maŋŋel go mátki lea mákson.

Šiehtadusa dahkamis de registreret dieđuid du birra mat leat dárbbašlačča čađahit hálbideabmišiehtadusa, rivttes bileahtta, ja vejolaš váidalanmeannudeami.

Jus šaddá soahpameahttunvuohta máksingeatnegasvuohta ektui vurkkoduvvojit dieđut dassái go lea mákson dahje riektemearrádus. Sáhtát vaikko goas sihtat geahččat dieđuid mat leat vurkkoduvvon du birra. Sáhtát vaikko goas sihtat vurkkoduvvon dieđuide du birra sihkkojuvvojit. Dalle don mieđat vejolaš váikkuhusaid dát sáhttá dahkat čađahit šiehtadusa.

Šiehtadusa loahpaheamis de visot dáhta sihkkojuvvojit dan olis gustovaš njuolggadusat olmmošsuodjaleami ektui ja rehketdoallofievrrideapmái. Dagadettiin šiehtadusa mieđihat ahte rasttidandieđuid sáhttá sirdit gaskal čáliheaddji ja fievrrideaddji meannudeamen rasttildan váidaleami.

Jus dus ii leat hálbbideami gilkor dahje ovddalgihtiimákson AutoPASS fergii, sáhtát beasset eret fakturás ja fakturábálvalusmávssu juohke olleshatti-feargamátkki. FerryPay:n sáhtát máksit du olleshatti-feargamátkki kredihtta- dahje debetkoarttain. Álggat FerryPay šiehtadusa.

Muittuhat ahte FerryPay ii leat okta AutoPASS fearga-šiehtadus. Ii boađe dutnje ovdafakturá dahje hálbbideamit, muhto mávssát olleshatti juohke áidna feargamátkki. FerryPay-šiehtadus doaibmá buot Norgga feargaoktavuođain mat leat mielde AutoPASS:s.